قال الراوي كان زمان للحمام العريس طنه ورنه اكثر من اليوم لما كان الواحد بدو يتزوج كانت كل القريه تعرف عن هاد العريس لانهم كانو يغزو العلم وكل الناس كانت تعرف انه هاد البيت في عرس وكان احد اقارب او جيران او اصحاب العريس يعزمو ع الحمام عنده في البيت وكانوا زمان يعملو عزومه العريس عشاء مناسف وبعزمو اهل القريه وكان بيعملو شي اسمه شمسيه العريس وهاي بحطوا فيها جميع انواع الورود وبحملها العريس وبزفو من حاره لحاره مشي وكل ما يمرو من عند بيت برمو عليه ملبس وبعدين الي بدو يعزم العريس لازم ياخد البدله تاعتو قبل في اسبوع عشان يثبت العزومه انها عندو ولما يدخل العريس الحمام ببلشو الشباب يغنولو والنسوان بتصير تزغرت وبعديها بتبلش الزفه من بيت العازم الى بيت العريس وهمه بيغنو: عريسنا طاح الزفه تعبان وديتلو ميتين تكسي مزينه يركب ويركب جميع العرسان .  وكمان بصيرو النسوان وراء الرجال بالغناء اما اليوم في زفه للعريس بس مش زي زمان ما في عشاء بس بوزعو حلو"كنافه" و المشروبات وبغنوا هون واربط باب الدار تاتطلع بنت المختار.