احنا بنعملها لكل واحد بتجوز عنا بالعيله أو حتى من صحابنا لما يخطب وبعدها يحدد موعد ليوم العرس بنفس يوم العريس بنعمل زفة العريس بحارتهم وتبلش من باب دار أهل العريس بتجمعوا صحاب العريس وقرايبه من الزلام طبعاً وبكون في فرقة طبل بتطلع الزفه من باب دار أهل العريس بالاغاني للعريس والرقص من الشباب صحابو وقرايبو وبكون العريس واحد من الشباب رافعو على كتافو ونغنيلو ونلف الحاره الي هو ساكن فيها عشان كل أهل الحاره يعرفوا انو ابن فلان اليوم عرسه وطبعاً في الزفه برفع واحد من الشباب اب العريس أو أخوه الكبير عشان يرقص مع العريس وهو على كتاف صحابو وتنتهي زفة العريس بانو نرجع على بيت اهل العريس وبكون في كراسي على باب بيتهم عشان نقعد مع بعض لحد ما نطلع لبيت اهل العروس والزفه انا تعلمتها واخذتهامن كثر طلعت زمان مع اخواني أو حتى لما كنا نروح على زفات الشباب صحابنا والزفة صارت هاي الايام من الاشياء الاساسيه والرئيسيه الي لازم العريس يعملها لما يجي يتزوج.