الجاهه والخطب بالنسبه للخطبه في بلادنا تقليدي بتروح ام العريس بتشوف العروس بهمها مواصفاتها وبهمها العمر ضروري حتى يكون في مجال اليها أنها تخلف وعند الزياره الاولى بتروح ام العريس او سته بيروحوا ينتقدوا العروس وحده من عمات العريس وبعد ما يرجعوا من عند أهل العروس بتروح ام العريس مره ثانيه بنسميها اتفاق أولي او بعد هيك بتخبر أبو العروس انو في ناس بدهم ينتقدوا العروس لأنو بالاول وبالاخر هو صاحب الرأي الأساسي وبعد الموافقه يعطي موعد حتى يتفضلوا لأهل  العريس وبيجي العريس وأبوه وأمه على أهل العروس مشان العريس يشوف العروس اذا اعجبته البنت والبنت أعجبها العريس وبعد هيك بحددوا يوم مشان تحديد المهر والمؤخر واجراءات الخطبه وبعد هذا الاتفاق هذا كله بيجبوا جاهه من كبار العائلتين وتستقبلهم جاهه من أهل العروس وبصير هذا كله في بيت اهل العروس وبيجي شخص من أهل العروس بصب فنجان قهوه لكبير الجاهه من أهل العريس بنسميه (فنجان الطلبه) واللي بيطلب العريس من أهل العريس يكون كبير العيله ويوجه كلامه لكبير العيله من أهل العروس وبعد الموافقه على الطلب بقول أهل الروس "اشرب قهوتك" بمعنى الموافقه وبعد هيك يتم قراءة الفاتحة وبتكون النساء موجودات في غرفه مجاوره وعند الموافقة بتصير النسوان تزغرد لاشهار الموافقة ويتم توزيع الحلويات فرحاً بالخطبه وهاي بنسميها نقد العروس والخطبه.