هو كبير العيله أو العشيرة وهو وجه العيله في كل المناسبات العيله وهاظ الشخص يتميز عن غيره بصفات زي الحكمة والفطنة و اللسان المتكلم يعني بالعاميه ملسن يعرف كيف يحكي مع الناس بطريقه تهدي النفوس وترضى الجميع والجاه قيمة المعنويه للعيلة أو العشيرة كبيره كثير بالنسبة للأفراح لما نيكتب الكتاب بين شب وبنت وتجتمع كل من العيلتين بوقف ابو الشب وبحيي العيلة والجاه وبطلب من الجاه ايد البنت واذا كانت البنت واهلها موافقين عليه بعطيه ولازم الي بدو يحكي مع الجاه يوقف لما يحكي احتراماً إلو وكمان لما يصير مشكله أو حالة قتل بين عيلتين وبضطر يتدخل فيها الجاه بتكون كلمه مسموعه ومطبقه على عيلتو شو ما يكون الكلام الي طلع منو للعيله الثانيه يعني بالعاميه بحل وبربط وفي مواقف زي هيك عند حدوث مثلاً حالة قتل وصار فيها قعده عرب واهل المقتول طالبو بفديه أو دم هون ببرز موقف الجاه او الكلام الي بحكيه إلو تأثير على العيله الثانيه بحيث انو يمنع الدم أو الثأر ويحاول يعطيه فديه لاهل الميت وفي حال عجز اهل الميت عن دفع الفديه تقوم الجاه بالمساعدة  على دفع الفدية ويأمر الناس الي مقتدره ومعها مصاري بالعيلة انها تدفع الفدية ومكانة الجاه بالعيلة كبيره بحيث انو الكل يحترمه ان كان صغير او كبير ولما يكون الجاه في اجتماع العيلة يحكي ممنوع حدا يقاطعه بكلامه لانو رجل كبير أول إشي وثاني إشي مسؤول عن العيله وصاحب مكانه وحكمه بين عيلته وبين الناس والعائلات الثانية والي برفع شأن العيله ومكانتها هو الجاه تاعها فكلما كان الشخص الي بتختارو العيله يكون مناسب وصاحب حكمه ودين وفطنه بكون افضل وأوجه عند العيلات الثانية ومكانة الجاه ووظائفه ما إلها وقت معين فالجاه في كل مناسبات العيله سواء احزان أو افراح بكون موجود وبتكون كلمته هي الكلمه المسموعة وهي فوق كلام الناس الي من عيلته واحنا لما حكينا عن الجاه ما قصدنا فيها شخص بل  هي تصرفات ومواصفات وصفات بتتأدى بالشكل الصحيح والمناسب من قبل شخص معين.