إلها قيمه عاليه ومعنويه عنا بالمجتمع والدبله احنا بنستخدمها وبنلبسها أول ما يرتبط الشب بالبنت وبعد كتب الكتاب بتعمل عيلة البنت حفله بالبيت أو بالصاله وتعتبر بحفلة خطبه بدخل الشب عند النسوان وبتبلش الزغاريت والمباوسه من اهل الشب للشب وبعدها بغنولو شوي وبلبس الشب البنت الدبله بإيدها اليمين هيك يعني انها البنت خاطبه وبتكون الدبله ذهب وبتلبس البنت الشب دبلته بإيدو اليمين كمان وبتكون دبلة الشب من الفضه وبخلال فترة بتكون الدبله لابسينها الشب والبنت بايديهم اليمين واحنا المسلمين بنخالف اليهود والمسيحيه بانو دبله الشب بتكون من فضه لانو الذهب حرام على الزلام أما هم عندهم عادي لو لبس الشب الذهب وبتضل الديله بالايد اليمين لحتى يعملوا حفلة الزواج " الزفاف" وبحفلة الزفاف لما يلبس العريس العروس الذهب بشيل الدبله من إيدها اليمين وبلبسها اياها بايدها الشمال ونفس الشي بتعمل البنت بتحط الدبله بايدو الشمال يعني هيك صارو متجوزين وهاي عاده عنا احنا اخذناها من اجدادنا وتوارثناها جيل بعد جيل وما صار عليهااي تغير او تبديل بطريقة استخدام الدبله.