الزواج هو آيه من آيات الله وهو سنة من سنن الله في الارض كان زمان الأب والأام من يختاروا العروس أما الآن الشباب بيتعرف على البنت واذا اعجبته ببعت حدا من أهله واذا تم التراضي تمت عملية الزواج لكن المشكله اذا كان الشب والبنت قاصرين والأهل غير موافقين بيبعت الشب مجموعه سيدات من أقارب للبنت بتفقوا على موعد أخذها بيخطفها الشب وبيحطها عند الشيخ وبتصير بحمايته وهون بيحاول أنه يحل المشكلة ويضغط على أهل البنت واذا ما انحلت بياخذ على اهلها تعهد وفي حال أنه كان الموافقه بيكون يوم الخميس بحضروا ذبايح من الجواميس وبيجيبوا العروس وبيعملوا عرس بالحوش وكان الأكل الدارج الفاصوليا البيضا الناشفه حتى 1980 والمهر كل ما كان بسيط كان أفضل واحنا غالباً بيكون 5 عصمليات أو ليرات ذهب المؤخر حوالي 250 المقدم وهون بيكون مع العروس حدا من أهلها وثاني يوم بيجي العريس بس ما بيصير يظهر على أهله لغاية ثالث يوم.