هو نفس الزواج التقليدي بشروطه واحكامه، بس مش مقيد في الدوائر الحكومية، وفي الزواج العرفي يتم حضور العريس أو ما ينوب عنه من ولي أمرها وبكون كمان في شهود على هاذا الزواج بس مش مسجل بالمحاكم والدوائر، والزواج العرفي بالأصل كان موجود بين الناس بس مع تطور الحياة وخوف ضياع الحقوق صار في توثيق للزواج في المحاكم، وفي ناس بتمارس الزواج العرفي لأسباب كثيرة؛ منها تزويج الفتاه بأقل من سنها القانوني وهو 18 سنة، أو أنو يكون في بلاد ما فيها محاكم شرعية، والزواج العرفي تغير مفهومه مع مرور الزمن، هسه في ناس بتمارس الزواج بطريقة يعتبرها زواج عرفي وهي مش زواج عرفي مثل بتزوج شاب فتاة بدون علم اهلها وهذا يعتبر زواج غير صحيح، لانو ما في شروط الزواج المنصوص عليها الي هي الشهود وحضور ولاة الامور، بس الزواج العرفي قل هاي الأيام في بعض مواقف مثل تزويج الفتاة بأقل من سنها القانوني، وكثر بمواقف مثل الزواج الي بمارسه الطلاب بالجامعات دون علم أهلهم وهذا منتشر بشكل كبير في هاي الأيام.