السهرة في الوقت الحاضر، وكانت التعليلة سهرة للرجال بشق البيت من بعد المغرب حتى قبل نص الليل، بعد ما ترجع الحلال "المواشي" من المراعي وقت العشاء ويكون وقت التعليلة ويتجمعوا عند كبير القوم أو شيخ العشيرة، وإذا كان عنده ضيف من خارج القوم فكل الموجودين يسمعو للضيف ويسألوه عن أخباره وأخبار قبيلته والمكان إلي "الذي" إجا منه، يعني رح تكون تعليلتهم الضيف إلي إجاهم وكان الشاعر وعازف الربابة إلي "الذي" يغني ليطرب الموجودين، والشاعر إذا ما كان بالتعليلة الضيوف هم يتحدثون بتعليلتهم عن أحوالهم وأحوال المواشي والمراعي وقصص صارت عندهم، حتى عن مغامراتهم بالصيد أو بالأمور الشخصية، والتعليلة يوصل الواحد أرحامه، ويتقدم بالتعليلة القهوة السادة والشاي، ولما يكون ذابحين ذبيحة للضيف يعني عشا للضيف يتعشا المعازيب والضيف، من وقتها تبلش التعليلة حتى كان قبل العاشق يتعلل عند عشيقته ويكون معه رفيق يراقبهم من بعيد عن عيون أهلها، وتعليلتهم طاهره ما بيهاش وهاي العادة قديمة جدا ما كانت ع دور جدودي "وقت" لإنها قديمة، لكن جيل اليوم مشغول عن كل هالتعليل والناس مشغولة بحالها إذا صارت تعليلة او جمعة عند حد بالبيت بيكون أغلبية العيلة موجودين لكن سهرات الأيام بيها الأرجيلة ويقدموا الفواكة والقهوة والحلو والتسالي.