كلمة (الزراعة) تأتي من زرع الحَبّ زرعًا أي بَذَره وحرث الأرض للزراعة، فالزراعة هي عملية إنتاج الغذاء والعَلَف. وحدَّثنا المُخبر عن أرضه فيقول: عملنا جِبنا جرَّافة وسهَّلناها وحرثناها أوّل مرّة وثاني مرّة على تركتر، وأنا وفلان شَجّعنا بعض على القيام في هالمشروع، أوّل ما قُمنا عمِلنا شِيك على دَايِر الأرض، ورُحت أنا وفلان جِبنا خشب من معان من سِكّة الحديد، وجِبنا عُمّال حفروا ونصبنا من أول لآخِر الشِّيك، وبعدين غزِّينا الشجر مثل المشمش والدوالي والرمان. والعُشب بِخَرّب الشجر وبِلُمّ حَيايا، كان يوميّة العامل 15 دينار، تَعال يا أردني اشتغل، معه خلويّات اثنين، وما معه حَقّ سِيكارة، لِيش بنُركُض وَرَا المَصْريّة؟ لأنهم بِشتغلوا.