كنّا نسوِّي لْها الزام (النسيّة) وهي شَنِينة غنم، وبنحُطّ عليها مَيّهْ مشان تصير طريّة شويّة، ويعجنوا عليها وبِغَمّسوا عليها خُبزهم أو رَشُوف، والرَّشُوف شوربة عدس أو بِتسوّي لِيهم مَدقُوقة، ويُوم يجِي موعد العشا هذي المَدقوقة بِتعَشّوا عليها وبتسِدّ جُوعهم بعد هالتعب. مَهِي الحْصَادة هَلاك ها كيف؟ تَعَب بتِذبَح الجِسم، ويُوم تكون الدنيا شُوب بِغلي غَلِي بِنجِيب قمر الدِّين وبنُمُرسُه بِيدِينا مَرْس لَبين ما يصير مثل العصير وبِشربوه الحصّادين، وبِبَرِّد على قلوبهم وقت الشُّوب، وسلامتكِ.