يوم وِدنا نصَوّل القمح بنِغِسلُه في المَيِّهْ وبنُنُشْرُه على الحِيط، وبعد ما نكون مغَرِبلِينُه، وبعدين بنحُطّ القمح في الطشت، وبِنظَلّ نسحب القمح في إيدينا من قاع الطشت، وبِنقيم منه الزِّيوان في كفّة إيدنا وبنحُطّه في طشت ناشف، وبعدين بنُنُشرُه بس بعد ما نحطُّه في الطشت بِنقيم من على وجهُه الزّوان والشّوايب، وبعدين بنِغرِف في إيدينا الثِّنتين، وبِنطُولُه من المَيّه، وبِنظلّ على الحالة لَبين ما نخلّص كلّ القمحات اللّي بدنا نْصَوِّلهن مشان الطحين اللّي وِدنا نخزنُه يكون نظيف، وبعدين بنحُطّه في شوالات وبنخبِّيه.