قبل ما كان فيه حصَّادات ودَرّاسات؛ كانوا الناس يِجمعوا قَشّهم على البيادر، ويحُطّوا القَشّ تحت القُرص، ويربطوا البْغال حول القرص، ويظل واحد يسوق بالبغال، ولمّا يصير تِبن وحَبّ بِيجوا بِسِندوا القرص بواسطة المْرَبَّع على شكل تَلّة، وبقوم المْذَرّي بِذَرّي وبِفْصِل الحَبّ عن التِّبن، وبِفِصلُه بالشاعورة وهي مصنوعة من الخشب وبتِشبه المْرَبَّع، ولمّا يِفصلوه بِعبُّوا القمح في شْوالات من الخِيش، وبِيجوا تُجار الحَبّ وبِشتروا. والتِّبن بِتعَبّى كمان في الشوالات العادية، وصاحبُه بُوخذ حاجته وبِبيع الباقي.

كانوا الناس أحيانًا يدرسوا القَشّ في آله حديدية مربوطة في بغل أو حصان أو الثنتين مع بعض، وبحُطُّوا القشّ فيها، وبِظلّ البغل والحصان يلفّن لمّا يتحول القشّ لَحَبّ وتبن، كانوا يسمُّوه (ضباب).