خلِّينا قَبل مساكين ما بنِتحاسَب؛ أوّل حَلبة  بِنُّبّْها لَعَلِي ابن عْلِيم، وهو ولِي ونبي من الأنبياء، بِنخُضّ الحليب وما بِصير أهل الدّار يُوكلوا منها، ولا حتّى الضيف، وبِقُومن النِّسوان وبُطُبخن عِيش أو شْرَاك  على الصاج، وبتِعزِم الجِيران والمعارف، واللِّي ما بِحضَر بِتوَدَّى إلهُم. وطبعًا كلّ راعي حَلال بِنُبّ عن  علي ابن عليم، والناس بتِتبارَك بعلي ابن عليم، وهو مخصّص لعشيرة النوايسه، وكلّ عشيرة إلْها ولِي بتِتبارَكفيه وبِتنُبّ عنُّه حَلْبِة، وأول حَلْبة. وأهل الحَلال بِتّفقُوا بينهم على وقت أول حلبة، وعلى وقت السّمَاط.