بعد ما يجهّزوا البْذَار ويتوفَّر بِنجِيبُه وبِنرُوح على الأرض بِنبَلِّش نُبذُر، طبعًا بنحُطّ البْذار في شَلِيل  الثُّوب، وبنِمسك الشَّلِيل في الإيد والإيد الثانية نُبذُر فيها، وأنا بَبْذُر وبَس أخلِّص كلّ الأرض بْذَار، بَجِيب دوابّ بْغَال وبَرَكِّب السِّكَّة بعد تجمِيعها، وبغُزّها بالأرض وأنا مِتوكّل على الله نِعم الوكيل، وطبعًا كلّ ما أحرُث قطعة بَرَيِّح الدوابّ وبَشَرّبهن مَيّ، وبَطعمِيهن شعير مِشان يِرجعن يِقدرن يِشتغلن، طبعًا في هذي الفترة بَطَّلُوا الناس يِحتاجُوا البْغال، وصاروا يُحُرثوا على التَّرَكْتَر.