بِنكون مجَهّزِين العجينة اللّي هي طحين قمح ورَشّة ملح وخميرة، وبنِعْجِنها وبِنخَلّيها عَبِين ما تِخْمَر ويِطلع منها فقاعات، وبنقسم العجينة وبِنسوّيها على شكل رغيف، وبِنكون خالْطِين الزيت والزَّعتر مع بعض في صحن، والزيت لازم يكون زيت بلدي، وبنحُطّ من الخلطة على وجه الرغيف اللّي سوِّيناه، وبنِخبِزهن في الفرن  أو الطابون، وفيه ناس لَهَسّا بعده بِسَوّيهن، وكُنّا نسوِّيهن أكثر إشي على الفطور مع ابريق شاي ويكون حِلو،  ونِفطِر وأحيانا نِتغَدّى عليهن.