تقال  هذه الترويده  ليلة السهره وهجينه  عند العروس  ويجهزنها

لمي  يا لمي وحشيلي  مخداتي

طلعت من البيت  وما ودعت خياتي

لمي  يا لمي وحشيلي قراميلي

طلعت من البيت  وما ودعت انا جيلي

ومبارح  يا رويده كنت بالحاره

اسمع  حنينك مع العصفور طياره

ومبارح  يا رويده  كنت انا وانتي

يا موحشي مبارحي ويا مونسي الليله

مبارح  يا رويده  كنت عند امك

وش جرا  يا  رويده اخذك ابن عمك

ومبارح  يا رويده كنت انا وانتي

ولفلفك  في حضيني وانتحر وابكي

كل ليلتي يا رويده حول حيطانك 

لما يغيب القمر  وينامو جيرانك

كل ليلتي يا رويده  حول  حجر امك 

لما يغيب القمر وينام ابن عمك

كل ليلتي  يا رويده حيطانك

لما يغيب القمر  وينام ابن خالك

خيني يا البنت ولا تبكي وتباكيني

نزلت  دموعك على خدك حرقتيني