يا طويلة العمر والسلامة هاذي  المِدهنة لو تحطّي السمنة فيها ما بتخرب لو تُقعد 10 سنوات،  بتجِيبي جِلد الغنم بتدبَغيه  وبتحُطّي فيه مِلح  يومين ثلاثة، وبعدين  بنِغلي له بلُّوط  وقشور الرمّان  بنحطّهن  مع بعض  مع  رشّة ملح وبصير (الدباغ)، وبعدين  بتحطيهن عالنار،  وبتخلي الحجم  متوسط، وعُقب  ما تخلصيه بتُعُصْبيه  يعني بتُرُبطيه،  وبتجيبي دِبس عنب أو تين وبتحطيه فيه  نهارين ثلاثة،  وبترُدّي تجيبي  نِتفة السمن قَدَر كيلو أو نص كيلو وبتخلّيه نهارين، بتحطي فيها تنكتين سمنة  وبتقعد سنتين  أو أكثر ما بتِخرب، وبتظلّ نفس الطعم،  وما بتغير عليها إشِي،  وسلامتكِ.