بِنجِيب هالقمح وبنبلُّه في مَيّْ ومِنْصَوّْلُه ومِنْدُقُّه وبْنِطِلعُه، وبعدين بِنرُدّ ندُقُّه وبِنفُتّ فيه فَتّْ، وبنُحلُب الغنم وبنروّبُه في السّقاه، وظلّيت أحلب 300 عنز، آه والله وبِنحُطُّه في السّقا وبنحفظُه، وبعد ما نْسَتْوِيه بِنْحُطُّه في كِيس ثاني، وبِنسَوِّي لبن زَعامِيط، وبعدين عقب ما نخَثّرُه لَنُنْشُرُه وبِنْظُبُّه لمّا نحتاج منه بِنطول.
والجُرن: هو حفرة في الصخر جُورة، وبكون حجمها وسط، وبِكون فيه حجر مِلْس، بحُطُّوا القمح في الجُرن وبدقُّوه في الحجر.