الكْرَيّْزِة هي نوع من أنواع الحلويات الشعبية المتعارف عليها بالكرك، وبالأخَصّ عند الأطفال، ويتمّ بيعها بالحارات، والكْرَيّْزِة هي عبارة عن سْمِيد ناعم، بِنْحَطّ في الطّنجرة مَيِّه، ولَبِين ما تِسخَن بِنْدِير عليها صبغة حَمرا أو صَفرا حتى نلَوِّن المَيّه، وبنحُطّ السكّر مِشان تصِير حِلوة، وبعد ما نحُطّ السّمِيد بِنحُوسُه حتّى يِثقَل ويْصير خاثر ثقيل، وبِندِيرُه في صينيّة وبنحُطّها بالثلاجة حتى تِجْمَد، وبعد ما تُبرُد بنقَطِّعها مُربَّعات وبِنحُطّها بسِدِر فُوق رُوسنا، وبُكُون معنا وَرق مقَطَّع لأنه أوفر من المحارم، ونلُفّ على الحارات ونبِيع الكْرَيّْزِة وبِنَّادِي كْرَيّْزِة ... كْرَيّْزِة، يا حمرا كْرَيّْزِة، يا صفرا كْرَيّْزِة، يا بيضا كْرَيّْزِة،