تُعد من الأطباق التي كانت تحضّر قديماً كما أخبرتنا الحجّة، وقالت: البَكيلة هي قمح بنحمّصُه على النار حتى يِتغيّر لونه، وبعدها بنِطحنه لمّا يصير ناعم، عاد البَكيلة مفيدة كثير لأنها قمح، وكنّا نسوّيها للعيِّل الزغير بعد ما تِفطمه أمُّه، بعد ما نطحنُه بنحُطّ علي مَيّه وسكّر، وبنحرّكه على النّار لمّا يِغلي وتِنشف المَيّ عنّه، عاد فيه ناس حتّى يكون أطيب بُحُطُّوا عليها مِلعقة سمن بلدي.