طِلِّي يا جِدّة، نفس طريقة فَطيرة اللَّبَن؛ بِنكُون مْجَهّزين العَجينة اليابسة الشديدة وبدون خميرة، وبنِخْبِزها في الطابون، وبعدين بنفُتّ الخُبز الناعم وبنِفْعَص فيه كثبر لمَّا يصِير مِثل الهِيطَلِيّة، وبِنكون غاليِين حليب الغَنم وبنحُطّ عليه سُكّر قدّ ما وِدْنا، وكل واحد حَسَب ما بِحِبّ، وبِنْدِير الحليب على الخُبز وبنحرِّكها كوَيّس، وبنحُطّْها في سِدِر وبنْشَرِّب السّمن البلدي، وهذه الفطيرة بِتصِير بدون جاج ولا لحم.