مكوّناتها: سمنة بلدية، وجَمِيد، وجَاج، وخُبز طابون بلدي، وبَصَل. أول إشِي بِنحَمّر الجاج شويّة، وبعدين بِنكون مارسِين اللّبَن عَجَال، وبعدين قبل ما يِستوي الجاج بنحُطّ المَرِيسة اللِّي هِيّه اللَّبَن وبِنخَلّيه لمّا يِستوي وبعدين بنِقلِي البصل في السمنة البلدية، وبعدين بِنجِيب سِدِر وبِنْفتّ فيه وبنحُطّ عليه لَبَن، وبعدما نْحُطّ اللَّبَن- يا سِتِّي العزيزة - بِنْفُتّ الخُبز، وبعدين بنحُطّ عليه الجاج بعد هَرْس الخُبز، وبنْحُطّ البصل المَقلي في السمنة البلدية، وبتكون السمنة كثيرة، وكان لمّا يُوكل الواحد الفطيرة مِن كُثر السّمنة تْسِيل لَلْكُوع، وصِحّتين وعافية، وهِيّه بْتِتّاكَل في الإِيد.