هناك الكثير من المعتقدات الشعبية في محافظة الكرك، ومنها كما يقول الراوي: مِن زمان وِاحْنا بنِعْمل عَصاية من شجر اللُّوز، بِتظلّ في إِيد الواحَد، وبَعدين يُوم الواحَد بِنام بُحُطّها تَحت راسُه؛ لأنها بتُطْرُد الشياطين، ويُوم يِمْشي في الخَلا ما بِقرَبُه لا جِنّ ولا شِيطان، طبعاً العَصاية بنُوخِذها من غصُون شجرة اللُّوز، كمان بَسْ تظلّ تحت راس الواحَد ما بِحْلَم أحلام بِتْخَوِّف.