سألت السيدة نهى محمد النوايسه عن بعض المعتقدات الشعبية، فقالت:

• اللِّي بِضحَك كثير في القَعدة بتقول: الله يِكفينا شَرّ هالضِّحك، اللهمّ اعِطِينا خير.
• إذا شفنا حذاء مَقلوب بنِرِجْعُه لَوَضعُه الصَّحيح مِشان ما يظلّ بوجه السَّمَا، وربّْنا ما يِرضَى عنّا.
• إذا الطفل الكبير اللّي بِمْشِي صار يُحْبِي في الدّار بِنقُول إنُّه بدُّه يجِي ضِيف.
• إذا وقعت شقفة خُبز على البلاط (الأرض) بنلتقطها بسرعة وبِنْبُوسها؛ لأنها نعمة، وبنحُطّها على راسنا، وبِنقول: (باسم الله) قبل ما يِلحَسْها الشيطان.
• الحمَّام عند غروب الشمس مُو زِين؛ لأنُّه الشياطين بتِتْجَمّع في الليل عند الحمَّامات.