ومن العادات المتعارف عليها عند أهالي الكرك كما حدّثنا المُخبر:

لمّا الواحد تصيبُه عين ويِنحسد ويظل مزعوج وراسُه يُوجعه بِنْجِيبلُه وحْدِة حجة مبروكة وزلمة مبروك، بِيجيب حَجر ويِقِسمُه سبع حجار ويرميهن على الأرض، ويحُط إيدُه على راس المحسود، ويقول:

كَانْكِ بالرّاس يِطْلِعْكِ ربّ النّاس

كَانْكِ بالكَرشْ يِطْلِعْكِ ربّ العَرش

كَانْكِ بِالعِين يِطْلِعْكِ علي بن حْسين

كَانْكِ بالإيدين يِطْلِعْكِ علي وحْسِين

وتِقرا المعوّذات وبعدها بِخِفّ وجَع الراس، ويروح الحسد عن الشخص، وهيك كانوا زمان بقِيموا الحسد عن الواحد.