رَشّة المِلح مثلاً واحد في القرية بِحْسِد وبِعِين، بِيجوا بِعطُوا الشِّيخ منُّه بِقْرَأ على المِلح قُرآن، وبِقرأ المعوّذات وآية الكرسي وسورة البقرة، وبرشُّوا عند باب الدار أو في الدار من جُوّا، أو بِذَوّبُوه في مَيِّهْ وبتكبُّه على حِيطان الدار، والدُّور كانت من طِين تِتْسوّى، ويِجُوا الناس يكبُّوا الميِّهْ والمِلح على حيطان الدار، وِبْتِنشَف على الطينة، والناس قبل ما بتِعرِف إشِي، وبيِعتقدُوا من الله مثلاً واحَد مرِيض بْتِتْشَفّع لَرَبّ العالمين مِشان ربّنا يِشفيه، والنّاس قَبْل كانت بِتْجِيب رَشّة المِلح اللِّى فَقِير قرأ عليها قرآن عشان تِحمِي أهل الدار من العين، وتِبعد عنه الحَسَد، وسلامتكو والعافيةْ.