الحِرباء تُحدّثنا عنها حَنان وتقول: إنه الحرباء يكون شكلها طويل، لونها يختلف من مكان إلى مكان، كانت الحرباء تمثل أنها حكيم أسنان، الناس كانت تعتقد إنه بإمكان الحِرباء انها تشِيل أسنان شخص، ذلك بإنها تقوم في عَدّ الأسنان، فالأطفال لمّا يشوفوا حرباء يسكّروا ثْمَامهُم عشان الحرباء ما تعِدّ أسنانهم؛ لأنه إذا عَدّت أسنانهم بِقَع سِنّ ورَا سِنّ. كمان كانوا يسكّروا ثمامهم لأنه الحرباء بِطلَع من ثُمّها غاز سامّ، وهذا الغاز بِضُرّ الأسنان، فالناس في الزّمَانات سوَّتْ هاي الخُدعَة عشان يِجِبرُوا الأطفال على سَدّ ثْمَامهم، وفيه ناس كانت تعتقد إنه الحرباء ما بتسَوّي إشِي، ما إلْها لا حَول ولا قوة في تساقط أسنانها، هاي إشاعات وكلّها خرافات.