يا غْزَيِّلْ يا ابِن خالِي                يا ابُو حَطَّهْ وِعْقَالِ

والله لَو اَخَذْ بَدَالِي                     لَمَضِّي العُمُر هَويّ

يا غْزَيِّلْ يا ابِن عَمِّي                     يا ابُو رِدْينِنْ زَمِّي

خُذْ اُمَّك وِارْحَل عنِّي                      دَخّلتنِي جْهَنَّمِ

يا غْزَيِّلْ تابِعنِي                       يا ابِن عمِّي وْطَاوِعْنِي

اصْبِع اِيدِي بُوجِعني                           وِدُّه خَاتِم قَدّْهَا

يا غْزَيِّلْ عالسناسل                            يا تربات القناصل

يا غْزَيِّلْ حُبَّك واصِل                         أهلا وسهلا ومَرحبا

يا غْزَيِّلْ على الثنيِّهْ                          يُوكِل وما يِطعَمنِي

لَاضْرب حالي بْسِكِّينِةْ                          وَامْضِي العُمُر هَويّ

يا غْزَيِّلْ على نبعه                              امه وخواته سبعه

والله لَاصْطادِ الضَّبعَةْ                             واعمَلْ جِلدها رَبَابَةْ

يا غْزَيِّلْ على القَنا                              اشرَبْ تَقُلَّكْ هَنَا

يا غْزَيِّلْ اِنْ مُتّ اَنَا                         مِين يِعْمَلَّك شُورَبَهْ

يا غْزَيِّلْ يا ابُو لَهَبِهْ                        يا مْهَاوِي يا مْعَذَّبِهْ

والله لَاشْرِي مَرْكَبهْ                          وَامْضِي العُمُر هَويّ

يا غْزَيِّلْ قَدِّي وْقَدُّه                             رُبْعِ المَجِيدِي خَدُّهْ

لَافْرُش وَانَامِ بْحَدُّهْ                             غَصْبًا عَن الزَّعلانِ

يا غْزَيِّلْ على البَيادرْ                             شُو بِعمَل على البَيادرْ؟

يا غْزَيِّلْ حُبَّك واصِل                                أهلا وسهلا ومرحبا