يا صلاةِ مْحَمّدْ

يا صلاةِ مْحَمّدْ، يا ذِكِرْ ربِّي                   يا صلاةِ مْحَمّدْ

حظّكُوا يِتصمَّد، يا هالجَمَاعةْ                    حظّكُوا يِتصمَّد

طَيِّبْتِين وطِيبِةْ، بدْلة فْلان                          طَيِّبْتِين وطِيبِةْ

مِثِل نَبع المَيِّهْ، يا رِيت عْميرُهْ                         مِثِل نَبع المَيِّهْ

وِارفَعُوا عامُودِ، بِيتَ العشِيرةْ                            وِارفَعُوا عامُودِ

عاداتْ الِجْدُودِ، حُبّ القرايِب                           عاداتْ الِجْدُودِ

لا تقُول نْسِيتَكْ، يا بَيِّي فْلان                           لا تقُول نْسِيتَكْ

أوّل ما طَرِيتَك، وِانْتَ الِمْبَدَّى                              أوّل ما طَرِيتَك

عالْيِةْ علِينَا، دار ابُو فلان                              عالْيِةْ علِينَا

دَقّ الذَّهب بِيدِيِنا، يا حْجَارْها                             دَقّ الذَّهب بِيدِيِنا

عاليِةْ عَليكِ، دَار ابُو فْلان                                 عاليِةْ عَليكِ

دَقّ الذَّهب عُصْمَلِّي، يا حْجَارْهَا                                 دَقّ الذَّهب عُصْمَلِّي

واللِّي بَدُّهْ قَلبي، يا رَبّي سَلِّم                                     واللِّي بَدُّهْ قَلبي

سَلِّملِي يا رَبِّي، على فْلان وِاخْوانُهْ                                سَلِّملِي يا رَبِّي

غَرَّبوا بْتَكْسِيِّهْ، عْيَالِ العَشيرَةْ                                     غَرَّبوا بْتَكْسِيِّهْ

والبَدْلة مَكوِيّةْ، وفْرُودُهْ تِلْمَعْ                               والبَدْلة مَكوِيّةْ