يا زَريفَ الطُّول، وَقِّف تَا قُلَّكْ

                                رايِح عالغُربَةْ، وِبْلادَك اَحسَنْلَكْ

يا زَريف الطُّول، وِين رايِح تَرُوحْ

                                  جَرحِت قَلبِي، وعَمَّقت الِجْرُوحْ

يا زَريف الطُّول، يا ابِن خالتِي

                              وِان مرضت تَعالوا شُوفوا حالتِي

لَنْزِل على الشّام وَاحَمِّل ناقتِي

                                  فُسْدُق وبُنْدُق ولُبّ الكَسْتَنا

يا زَريف الطُّول، وِين هَلَك غَدُوا 

                               على جَبل حُوران شالُوا وَابْعدُوا

يا زَريف الطُّول، طايحِ وادي شْعِيبْ

                                   طَلَبْني بُوسِةْ، وقُلِت: وَلَك عِيبْ

يا زَريف الطُّول،  يا زَرِيفْ

                      صْوِيحِبي المَعرُوف ابُو الوَجْه اللّطيف

يا زَريف الطُّول، على القُنطَرَةْ

                              يا ماخِذ الحِلوة، هاللِّي مْغَنْدَرَةْ

يا زَريف الطُّول، تِندَهْ: يا لَطِيفْ

                               لانِي مَجنونةْ، ولا عَقلي خَفِيفْ

بَالله يا حِلوة تِعطينِي رَغيف

                            مِن خُبز المَحبوب يِكفينِي سَنَةْ

يا زَريف الطُّول، وَقِّفْ تا قُلَّكْ

                                رايِح عالغُربَةْ، وِبلادَك أَحسَنلَكْ

خايِف يالمَحبوب تْرُوح وتِتْمَلَّكْ

                                  تِتْمَلَّك الغِير وتِنْسَاني اَنَا