كما نعرف فإنّ القهوة العربية معروفة عند الناس، وإنّ القهوة تُقدّم في الأفراح والأتراح وبدون مناسبة، وهي موجودة في كل بيت عربي، كما تُحدثنا المخبرة عن طبخ القهوة: إِحنا لمّا نِيجي نِعمل قهوة بكون موجود عنّا أغراضها كما هي معروفة عند الناس، وهي قهوة وبْهار(هِيل).

مثلا بدُّه يِجينا ناس بِنْسَوِّي قهوة، بكون كل إشي جديد، ولما نحُطّها على الغاز بنحُطّ الهِيل وبِنظِيف المَيّةْ، وبتظَلّ عِينَّا على القهوة لمّا تِغلي، بعدين بنِطْفِي عليها، بعدين هاي بنسمِّيها (البِكر)؛ يعني كل إشِي في تحضير القهوة جديد، أو بِنسمِّيها الثَّنْوَة، يعني بنِرجع نطبخ القهوة بعدما نزيد مَيّةْ بنحُطّ البُنّ وبْهَار، والثَّنوة موازي البِكر بنِعملها من جديد، وهاي هي مُسمّيات طَبخ القهوة، وسلامة تسلِّمْكِ.