لمَّا بدنا نسوّي  قهوة لازم  تكون عِدّتها موجودة عنّا كاملة، ومن هالعدة: الدّْلال بالاحجام المختلفة، منها الكبير والصغير،  وهي مصنوعة من النّحاس،  وفيه مَصَافي  مِشان  نْصَفّي القهوة  فيها، وفيه الفناجين  ومنها  المختلف مشان  نصُبّ القهوه  فيها ونصفيها.  وقبل كل هاظا فيه المِحماسة،  وهي اللّي نِحْمِس فيها القهوة،  وهي عبارة عن صحن كبير مجوّف  إلُه أدين  على الاطراف،  وبنظلّ نقلِّب القهوة  فيه لما تتحمّص  ويتغير لونها،  وبعدين بنجيب الهاون  أو الجرن مشان  ندق القهوة فيه، وبعدين بنجيب الدّلال  وبنحُط   فيها القهوة وبنِغليها  على  المناقل.  والقهوة  قبل ما نحمّصها   بنحفظها  في  الظّبْية  وهي  ظروف من الجلد،  ولما نقدّم القهوة العربية  في إلها عادات  وشروط؛  لازم   نقدِّمها من اليمين  للجالسين في الشِّقّ،  ولازم  نقدِّم  القهوة في اليد اليمين  كمان.