تُخبرنا (فايزة) عن أغاني الفاردة وتقول: نغنّي كل إشي في الأعراس، ونغنّي في ليلة الحِنّا لمّا تِطلع العروس كل إشي، أما أنا وِدّي أغنّي إلكِ من أغاني الفاردة؛ لمّا يِجُوا يُوخذوا العروس وهُمّا فِي القطار أو الفاردة بِنغَنّي:

وِحْنَا مَشينا من الصُّبُح لَلْعصِر      وِحْنَا خَذِينا جَيّداتِ الأصِل

وِحْنَا مَشينا واتَّكَلْنا على اللهْ       يا ربّ احمِينا من لَقى خلْقَ اللهْ

وِحْنا مَشينا لِيلتِين بْلِيلِهْ             وِحْنا خَذِينا بنت اَكْبَر عِيلِهْ

يا بَيِّي فْلان وَسِّعَ المِيدان           والعِزّ لكْ، والفَرح  لَلصِّبيان

يا بَيِّي فلان كثِّرَ التّرحيب        وِحْنا بنات عَمّك ما بِينَّا غَريب

سَمُّوا على فلان، سَمُّوا عليه        طايحِ للزَّفِّهْ، وما شاللهْ عليه!

يا ربِّ تْسَلِّم من تِريدُهْ  عِيني         فْلان وفْلان يِسلموا الاثنينِ

يِخلف عليكو، كثَّر الله خِيركو       ما عَجَبْنا  بالنَّسايِب غِيركُو

يا مِين يِروح يبَشّر العريس           خَدّ العَروس اَحْمَر بلا تَنقِيش

يا أصابع فْلانهْ، يا مَطارِق فِضّهْ       والعِين  سُودا والرِّمش تفَضّى

يا هِيل فلانهْ يا سَنابل  طْلُوقِ         عَصِيتَ  اَبُوها وارفعُوها فوقِ