جِينا نْهَنِّيها

جِينا نْهَنِّيها، أُمَّك يا فْلان، جِينا نْهَنِّيها

في عَلاليها، نُرقص  ونْغنِّي، في عَلاليها

جِينا نفَرِّحها، أُمَّك  يا فلان، جِينا نفَرِّحها

في مَطَارِحْها، نُرقص ونغنِّي، في مَطَارِحْها

هَيُّو بِالجِيبِهْ،  فَرْدَك يا فلان، هَيُّو بِالجِيبِهْ

ما هُو لَلعِيبِهْ،  حَمْلُه لَلعَدُو، ما هُو لَلعِيبِهْ

هَيُّو بِالسلّةْ،  فَرْدَك يا فلان، هَيُّو بالسلّةْ

ما هُو للذّلّةْ،  حَمْلُه لَلشّرف، ما هُو للذّلّة

مَدهون بْزيت،  فَردَك يا فْلان، مَدهون بزِيتِ

بنات البيتِ، يِسْلَم حامِيهِن، بنات البيتِ

مَدهون بْسُكَّر،  فَردَك يا فْلان، مَدهون بْسُكَّر

البنات البُكَّر، يِسلَم  حامِيهن، البنات البُكَّر