قبل ما تطلع العروس من دار أبوها في الليلة اللّي قبل الأخيرة بِيجِن النّسوان بِتلايَمِن حواليها وبِصيرن يرَوّدن لِيها، وبتصير العروس تصَيِّح، وبِنصير نْرَوِّد:

من نبات الحُوش يا نَدى    من نبات الحُوش يا هِيهْ

ما تِلوذِ على الجار حَيِيَّةْ     ما تِلوذ على الجار ياهِيهْ

من حَمامِ الغُورِ يا نَدى      من حَمام الغُور يا هِيهْ

ما تِطِيق الجُورِ حُرَّةْ         ما تِطيق الجُور يا هِيهْ

من نبات الحُوش يا نَدى    من نبات الحُوش يا هِيهْ

ما تِطِيق الغُوشِ حَيِيَّةْ        ما تِطيق الغُوشِ يا هِيهْ

( لُمِّي يا لُمِّي وشِدِّي لي مَخدَّاتِي     طَلَعْت منَ البِيت وما ودَّعْت خَيَّاتي )

لُمِّي يا لُمِّي وشِدِّي لي قَرامِيلي     طَلَعْت منَ البِيت وما ودَّعْت اَنا جِيلي

خَيتِي يا خَيتِي يا  نَدى              لا دَمعةْ ولا ثِنْتِينِ

 خَيِّك حْنَيِّن يزُورِك يُومَ الاثنينِ               

والله لَابْكِي وَابَكِّي الصَّقِر عَلى المَيِّةْ