في العْرُوس والأفراح بتِجِي وَحدة من البنات وبتلبَس عباية سُودا وبِتغطّي وجهها وما بِبَيّن منها إشِي ولا حتى عيونها، وبتكون في إيدها (عَصاة)، وبتِنزل بين الصفّ وبتُرقص الحاشِي، وبعد ما تخلِّص بِتلُفّ هذي البِنت على بِيت ثانِي أو بتُدخل على غُرفة ثانية، وبتلبس العباية بنت غيرها وبتنزل. وفي السّامر الزُّلم بِجِي واحد بِلبس عباية وبِتلَثَّم في مَنديلُهْ، وبِنزل وبِضَلّ يُرقُص ويحرِّك أَدِيهْ لَفُوق ولَتحت.

ومن الأغاني في السّامر:

أوّل ما نِبدا وِنْقُولِ      صَلُّوا عَطَهَ الرّسُولِ