عند  طلعة العروس لمّا بِيجوا أهل العريس يُوخذوها:

لا تِطلعي مِن حالكِ                 إلّا بْسَيّارةْ وِيْبارِيكِ  خالْكِ

لا تِطلعي لا تِطلعي من يَمكِ      إلّا بْسَيّارةْ وِيْبارِيكِ  عَمّكِ

لا تِطلعي لا تِطلعي من دونْكِ      إلّا بْسَيّارةْ وِيْباروكِ  جْدودْكِ

لا تِطلعي لا تِطلعي من داركِ       إلّا بْسَيّارةْ وِيْبارِيكِ  جارْكِ

قُومي اطلعي مِن حالِكْ             وِاحْنا دَفعنا حقُوق ابُوكِ وخالِكْ

قومي اطلعي من يَمِّكْ              وِاحْنا دَفعنا  حقُوق ابُوكِ  وعَمِّكْ

وبَسْ تقوم العروس وتطلع  بِجِن نِسوان العريس وبِهَاهِن:

شُكرا  لابُو فلان اَعْطانا وما قَصَّر            واعطانا الزِّينةْ  شِبه القَمر

                    والعُقْبَةْ  لَخَيّها عهذا الحُول  يِتْيَسَّر

وبُوخذوا العَروس وبِطلعوا.