يا وَنِّتِي وَنَّهَا اللقّاط

                       لَنْ طَرَدُه رَاعيَ الحَقْلَةْ

تِطْرَا عليه جُوعَةٍ بِشْباط

                        وِمْنِ العَرَا طَايِرٍ عَقْلَهْ

يا رَاعِيَ المَبْسَمِ الذَّبْلَهْ

                      ياللّي بْحُبَّكْ رَمانِي الله

خَلِّيتَني سَايِحًا هَبْلَةْ

                      عَرَّفْتَنِي كُلِّ خَلْقَ الله

يا رَايحًا يَمِّ خِلّالِي

                    وَاحْكِيلُه مِن جِهةِ القُولِ

ما هُو رَدَا فِي ابِن عَمِّي

                      يا خِلِّي راعِي الهَوا بادِي

ما رهيهه ياللّي رَحَلْت اليوم

                          مع السّلامَاتِ يا لْغَالي

كِنَّكْ على فْراقِنا شَفْقان

                     وِحْنَا على فْرَاقك نْغَنِّي

عَلَوَّاه اِنِّي مِن عَرَبْ سَلْمَى

                            ويا رِيت اِنّي مِن قَرَايِبْها

يا رِيت اِنّي قَنِّينِةْ رِيحَةْ

                        وَارْتَشِّ عَلى ذَوايِبْها

يا وِيلِ حَالي وَنَا جَظِّيتْ

                          عالتِّرِفْ يا مَن يِعَزِّينِي

قَفَّا وَلِيفِي وَنَا ظَلِّيت

                      يا مهِيجَنِي يا صُّبِي عِيني

ربّي بَلانِي بْعَريضِ كْتُوفْ

                            وَالزِّينِ ما دَبَّرُه حَالي

شُرْبُهْ مْنِ المَا نَبِعْ جَرِّ

                         وَاكْلُهْ مِن الزَّادِ شُلْفَانِ