أغاني زَفّة العريس هي الأغاني الشعبيّة التي تُغنّى أثناء موكب العريس من قِبل أهله وأصدقائه، يوم الخميس بعد صلاة العصر بِتجَمّع الناس عند بيت العريس من أجل الزفّة، وبتروح الفاردة على شَان العروس، وبتيجي بعدها بتقوم زفّة العريس من عند دار العزّام.  وكانت الأغاني:

طِلع الزِّين منِ الحمَّام                 الله واسْمَ  الله  عَليه

سِيروا بالله والرَّسول                   ذِكْر محمَّد  ما يزُول

محمَّد زِين  وذِكْرُه  زِين               ومحمَّد  يا كَحِيل العين

 هُون  وُارْبُط بالشّارع                 بِيضَا والسِّدِر دَالِع

هُون وُارْبُط بَابِ الدَّار                 تاتِطلَع بِنت المُختار

سِيروا بالله والرَّسول                   وذِكر محمَّد ما يزُول

يا عَريس اسمَ الله عليك             وغَزال مصَوَّر جِبنا لِيك

أحمَر يا  لُون البَندورةْ                 فْلان مِتْجَوِّز غَندُورَةْ

يا عَريس على العِين                عْيَال عَمَّك عالصَّفِّين

يا عَريس بِكَفِّي                      عْيَال  عَمَّك بالزَّفِّ

آهْ  يا بُو مِيلاوَه                      مَرّ  ومَا سَلَّم عَلينا

آهْ  يا بُو طُول  وَافِي                مَرّ ومَا قَلِّي العَوافِي

 يا عَريس اسمَ الله عليك            غزال مْحَنَّا جِبنا لِيك

يا مَحْلا  ضَربِ الشّباري             بِالعِدا والدَّمْ  جَاري

يا مَحْلا ضَربِ البارُود                بقُرب بابِ العامُود

يا  وِيلي يَاللّي نْحَارْبُهْ               بالسِّيف  نِقطَع  شَارْبُهْ