بِنجيب المِحماس وبِنَّظّفُه  وبِنحُطُّه على النار،  وبعدين بنحُطّ  القهوة  في المِحماس وبِنصير نقلّبها  لمّا يصير لونها أسود أو أشقر لمدة  خمس دقائق،  وبعدين  بنحُطّها بسِدِر لمّا تبرُد.  زمان  كانوا  يحطُّوها بالمِبرد  وبعد ما تُبرُد  بنِغْلِيها مَزبُوط،  وبسْ تِستَوي بنحُطّها في سَخّان  وبنُتْرُكها تُركُد،  ولمّا  يجِي  ضِيف  بِنصُبّ إلُه  قهوة،  ولمّا  يهِزّ الفِنجان  معناها  خَلَص  ما نصُبّ  لُه مَرّة  ثانية.  والقهوة اللّي بتِتسَوّى في العُرس  بِكُون  لُونها أشقر،  بكُون مَحطُوط  عليها  بهَار،  والقهوة اللّي بتِتْسَوَّى في التَّرَح  بِكون لُونها مايِل للسَّواد  لأنها بتِتحَمّس  كثير،  وفي العُرس  بنهِزّ الفِنجان  وبِنقول: (دايمة)،  وفي العَزَا  بتهِزّ  الفِنجان وبتحُطُّه.