يُعتبر السّامر الكَركِيّ أحد العُروض الفنيّة التي تُمارَس في الأفراح كما يقول الإخباري:

هَلا بِك يا هَلا                يا هِي حَلِيفِي يا وَلد

هَلا هَلا بِك بِالدَّالِي           شُقْرَ الذُّوايِب جَدَّالِي

يا رِيتَ اَبُوكِي خَيّْ اَبُويَ      يا رِيتَ اَبُوكِي عَمَّ لِي

أوّلْ مَا نِبْدِي بالألْفِ          مَيْدارِجْ كِنَّك مِن حِلْفِي

وِبْعِلمِي مَانِي مِخْتَلْفِ          كَتَبْتْ كْتَابِي بِيدَيَّهْ

البَاء بْقَلبِي قِيفَانِي             مِن سَلام لْخِلَّانِي

البَاء بْوَابِي مَفْتُوحَةْ             يا قَلبي فَتَّح جْرُوحَه

الجِيم جْرُوحي غَمِيقَةْ           صَديقِي يِعْلم صَدِيقَهْ

الدَّال دْيُودَه مِتْدَلِّي             كَرْمِ اللّي نْهُودَهْ مْعَلِّي

الطَّا طَوِيلَ اللَّيَالِي             أَقْضِيها دَايِمٍ مِنْحَالِي

الكَاف يا خِلِّي لَكِنِّي          سُودَ اللَّيَالِي جَفَنِّي

السِّين سْنِينٍ طَوِيلَةْ           مِيرْ هاذِي حَالِي عَلِيلَةْ

ارْحَمْنِي يا نَافع جِيلَهْ           ومَسِّحْ دَمْعِي بْمَنْدِيلِي