كانت العرب يوم وِدْها تِرحل كانوا قبل بيُوم يِخِبزن النّسوان عَيُومِين مِشان العِقِب والزّلم يُوكلوا، ومع فَجّة الضَّو بِشِدُّوا عالهَوَايِش وبِصَفطوا وَهْدْهُم وبِلفّوا عُمدان البيت؛ الرّواق لَحَال والشّقاق لحال، وبِثنُوهن عَظَهر الهَايْشِةْ، وباقي الفْرَاش والوَهْد بِوَزّعوه على هالدّوابّ، وعاد بِغَنّوا وهُمّه بِشتغلوا وبِقولوا:

يا عليّان الرّحِيل

كُلّ يُوم وكُلّ حِين

وإذا فَضّ واحد وتْخَبّى عن الشغل من اللّي بِعاونوا بِصير يغنّوا عليه ويِضحكوا:

عُونَك يا قُطّ بَرِّي

عُونْتَك رَاحت تْدَنِّي

وبُنْقُلوا أغْراضهم وبِنِزلوا في مَنزل جَديد وبسوّوا هالعَشَا وبِتعشّوا بعد هالتّعب. وسلامَتْكِ.