لَصْق العَجينة للعروس بِتكون من الطّحين والماء بتِنْعجن وبعدين تُوضع العَجينة على وَرَق الدّوالي. تقول المُخبِرة لنا:

كانت ولا تزال تقاليد لصق العجينة للعروس عندما تدخل لمنزل العريس، فبِتتناول العروس العجينة لتِلصِقها على الحيط أو جدار، فتدخل بيت العريس، فإذا لصَقَت العَجينة وما وَقعت هذا يدلّ على بقاء العروس وديمومتها في هالبيت. بعد ما تلصق العروسة العجينة بقومن النّسوان والبنات المعزومات للعريس بالزّغاريد، وبقولن (يِخلف عليكم كثَّر الله خيركو ما عَجَبْنا في نَسايب غيركم). كنا وِحْنَا صغار نراقب هاي التقاليد وإذا سقطت العجينة نضحك وِحْنا صغار كثير. بعدين أمّ العروس بتركض بتعيد العجينة لجدار البيت، ونبقى نراقب ديمومة بيت الزوجية، فيه ناس بِتطبِّق هذه العادة وفيه ناس والله ما بَعرف إذا بتطبّق ولا لأ.  لأن إلصاق العجينة للعروس ما هو إلا  تمشّي لَمَطْلَب الأم أو العمّة أو والدة العريس.