لمّا يِجِي واحد وِدُّه يُطلب بنت يقوم أهل العريس بتحديد موعد مع أهل البنت وبِرُوحوا عليهم، ويقوم أهل العروس بالتّرحيب والتحيّة بأهل العريس، وبجيبوا أهل العروس بقدّموا قهوة عربيّة قدّام واحد من أهل العريس (أبوه أو عمّه أو خاله أو أي واحد بِنوب عنهم). اللّي بتقدم له فنجان القهوة قبل ما يشربه بِقول: إِحْنا ترانا جايّين نُطلب بِنتكو فلانة لإبنّا فلان. إذا كان الردّ بالموافقة بِيقوم أبو العروس بقول اِلْهُم: اشربوا قهوتكم وابشروا باللّي جايّين فيه، وبِشربوا قهوتهم وبقرأوا الفاتحة على نيّة التوفيق، وبكون مع أهل العريس حلويّات بقدّموها للنّاس الموجودة.