بعد ما يِتجوّز العِرسان ويصير العرس ويخلص بِسَوُّوا فطور للعريس والعروس. والعريس واحد من أصحابه بِكون نابّ عليه قبل بأسبوع وبتّفقوا معاه، وبِيجي صاحب العريس بِتّفق مع صحابه وبِعزمهم على فطور صبحية للعريس في داري عشان تِيجوا، وعادة بيجوا صحابه وبِفطروا مع العريس. أمّا العروس فأمّها بتسوّي إلها رز وشعيرية وجاج بلدي، وكلّه بِنطبخ في سمن بلدي، وبتوديها إلها على الدار وبتوزّع على الحبايب والجيران.