بعد دخلة العريس في الصباحيّة (اليوم الثاني) بتيجي أم العريس أو واحد من جيرانهم أو قرايبهم بجهزوا فطور للعرسان، وبيكون الفطور جاج بلدي محمّر مع شراك بلدي، وبوخذوه على دار العريس مشان العرسان يفطروا عليه.

في هذا الوقت بيكون أهل العريس ذابحين الذبايح ومجهزين اللبن والعيش أو الرز.... وبيكون أبو العريس مشغول باستقبال الناس وقرايبه وأصدقاؤه مشان القرى، ويكون في حالة من البسط والفرح والغنا.