هذا المكان في غور النّميرة كانت العروس والعريس يقومون بزيارته بغرض التبرُّك بالمكان، وهو مكان من التراب الأبيض الحُوّر يُشبه الشِّيد الأبيض، ويجب على العريس والعروس يوم الزفّة زيارته وتلطيخ بعض أجزاء الوجه والجسم بالتراب الأبيض بهدف التبرُّك.

العروس والعريس زمان كانوا يروحوا تلال العرايس اللّي موجود بعد غور عسّال عند النّميرة، وكان هذا التلّ أبيض حُوّر مثل الشِّيد، وكان العروس والعريس لازم يلطّخو خدودهم شوية من الحُوّر مِشَان تحِلّ عليهم البركة، ومش كل العرايس بتروح؛ بعض الناس المتشددين والجهال من مرّة هم اللّي بِرُوحو على تلال العرايس.

هذه العادة بطّلت من مرّة، وما فيه ناس هالأيام بِروح عند تلال العرايس، والناس اللّي كانت متشدّدة كلهم ماتوا وما ظلّ منهم حدا، وعيالهم بطّلوا هالعادة وصارت الناس تهاجم مثل هيك شغلات، وبعتبروها جهل وهَبَل وما فيه منها فايدة.

أنا بِجوز من 50 سنة بطّلت أسمع عن ناس راح على تلال العرايس، حتى فيه ناس كثير ما بعرف المكان ولا حتى وين هو. كلّ هذا جهل وتخريف وما منُّه فايدة.

لكن بِظَلّ ذكريات الناس تذكرها وتسولف فيها. الجيل هذا بِضحك علينا لمّا العروس والعريس بِمشوا كل هالمسافة والدنيا حرّ، عشان يلطِّخ حاله بالتراب الأبيض ويتبرّكوا ببركة المكان.