يالله يجِيرنا من هَظَاك اليوم يا بنَيّتي، بقولوا يوم القيامة فيه ليها ساعة وليها علامات، يوم يقوم (عِسرافيل) وبنفخ في البوق (بتنعجن) هالبلاد (عاليها واطيها)، وفي القرآن بقول بصير كل إشي مثل (العهن المنفوش). بتعرفي شو العهن المنفوش؟؟؟؟

هو الصوف إلي بنفشه مثل العهن المنفوش، الله يجيرنا يا رب من هذيك الساعة إلي العَيِّل ما بِلِدّ ولا الأم بتعرف إبنها، ولا الزلمة بعرف مرته. ويا ابنيتي فكينا من هالسيرة سيرة القيامة، الله يجيرنا من هاذا اليوم يوم الحساب.