(أم الغيث) هي عبارة عن عادة قديمة لدى أهالي القرية والحصّادين بالأخصّ، ولما ما ينزل المطر وينحبس بروحو للكاهن الخوري، وبروحو لواحد كريم وبكون مبسوط مادياً وبحكوله بدنا نعمل (أم الغيث)، وعالساعة سبعة بجيبوا عصاية وبلبسوها أسود وبعملولها وجه من صحن، وبحملوها مجموعة من النسوان وبصيروا يغنوا:

أم الغيث يا دايم،  بِلّي زريعنا النايم

أم الغيث غيثينا،  بِلّي زريع راعينا

راحت أم الغيث تجيب لنا ارعود

ما أجت أم الغيث إلا الزرع طول العقود

أم الغيث يا هرجع، خلي سيلها يرجع

وبياخذوا أم الغيث على الكنيسة وبضلوا يصلوا وبطلبوا الإغاثة (المطر)

وبعدها ينزل المطر وبصيروا يضربوا الأجراس وبحتفلوا بنزول المطر