المكونات: حمص منقوع قبل بليلة، وبقدونس مفروم ناعم، وبصل مفروم ناعم، وبهارات، وكربون الأكل على شان ننفخه، والفلفل، وزيت مازولا للقلي.

الطريقة: بنصفي الحمص من المية وبطحنه بالخلاط طحن خشن، وبنطحن معه البقدونس والبصل، وبنحطهم بجاط وبنخلطهم مع بعض مليح، وبنحط البهارات والكربونة والفلفل والملح، وبيه ناس بحطوا شطة بدل الفلفل، وبنرجع نخلطهم مليح، وبنحطها بالثلاجة حتى ترتاح لمدة ساعتين، وبعدها بنجيب مقلى ألمنيوم كبير وعميق، وبنحط الزيت بيه على بين ما يسخن كثير (إذا ما كان ساخن بتفتت حبة الفلافل بالزيت، والمطاعم بقلبوا الصاج وبحطوا بيه الزيت وبقلوا بيه)، بعد ما يسخن الزيت بنجيب خلطة الفلافل بنعملها على شكل كبب وبنرقها شوي، أو إذا بيه أداة خصوصي لعمل الفلافل، وبنقليها على بين ما يصير لونها بني، وبنقيمها بالكفكير المخزق وبنحطها بجاط مفروش بيه ورق محارم المطبخ على شان يتشرب الزيت، ممكن نعمل منها ساندويشات بالخبز مع سلطة طحينية أو مخللات أو بطاطا مقلية، وممكن تتاكل مع صحن الفول أو الحمص، من المعروف أنها أكلة شعبية بحبها الغني والفقير.